Nastavak jačanja kapaciteta članica naše Koalicije

Detalji

četvrtak, 12 Decembar 2019 13:10

Članovi projektnog tima posjetili su organizacije članice naše Koalicije, koje su istovremeno i korisnice programa malih grantova – Centar za afirmaciju RE populacije i Romsku evropsku alternativu. Povod posjete bilo je pružanje obuke prisutnim članovima organizacije kroz metod ''on-the-job'' treninga, odnosno pružanja neposrednih i usmjerenih znanja u rješavanju praktičnih neodumica i vođenja administracije. Istovremeno, kroz pružanje ove obuke, članovi projektnog tima izvršili su uvid u tok implementacije mini – grant projekta ''Mi smo tu- mladi predstavljaju sebe i svoju kulturu!'', a koji je u drugom mjesecu sprovođenja.

Na ovaj način, kapaciteti mladih Roma koji učestvuju u sprovođenju ovog projekta dodatno su ojačani, čime se oni i njihove organizacije dodatno ohrabruju i motivišu za dalje aktivno djelovanje i buduće apliciranje za evropske projekte.

Posjete korisnicima malih grantova dio su aktivnosti u okviru projekta ''Zajednička inicijativa za jačanje romskog civilnog sektora na Zapadnom Balkanu i u Turskoj'', koji finansira Evropska unija, a ko-finansira Ministarstvo javne uprave. Projektom koordiniše Roma Active Albania, a NVO ''Mladi Romi'' je partnerska organizacija  za Crnu Goru